Study In the Czech Republic

Czech Republic 🇨🇿 

 ဒီနေ့တော့ ကျနော်သဘောကျနေတဲ့ Czech Republic နိုင်ငံအကြောင်းရယ်၊ မြိုတော် Prague အကြောင်းရယ်၊ Prague မြိုမှာရှိတဲ့ ကျောင်းတွေအကြောင်းရယ် ပြောပြချင်ပါတယ်။ ဒီ post အတွက်ကတော့ နိုင်ငံနဲ့ မြိုအကြောင်း အရင်ပြောပြပါ့မယ်။ 

History  🕌🏛

ချက် ကအရင်တုန်းက ချက်ကိုစလိုဗားကီးယား နိုင်ငံထဲက အစိတ်အပိုင်းတစ်ခုဖြစ်ပါတယ်။ 1993 မှာမှ ချက်သမ္မတနိုင်ငံနဲ့ ဆလိုဗားကီးယားဆိုပြီး ခွဲထွက်ခဲ့တာပါ။ အရင်တုန်းက communist နိုင်ငံတစ်ခုဖြစ်ခဲ့ပါတယ်၊ ဒါပေမယ့် 1989 Velvet Revolution နောက်ပိုင်းမှာတော့ democratic နိုင်ငံအဖြစ် ဖော်ဆောင်လာခဲ့တာ ခုဆိုနှစ်ပေါင်း သုံးဆယ်ကျော်ရှိပါပြီ။ 1980 ဝန်းကျင်က ချက်ကိုစလိုဗားကီးယားဟာ နာမည်ဆိုးနဲ့ကျော်ကြားခဲ့ပေမယ့် ယနေ့ခေတ် ချက် ကတော့ ငြိမ်းငြိမ်းချမ်းချမ်းနဲ့ သာယာတဲ့နိုင်ငံတစ်ခုဖြစ်လိုနေပါပြီ။ 

Geography 🇨🇿📝

ချက် ဟာ Europe ရဲ့ နှလုံးလိုပြောရမယ့် Central Europe မှာတည်ရှိပြီး အိမ်နီးချင်းနိုင်ငံတွေကတော့ ဂျာမနီ၊ ဩစတြီးယား၊ ပိုလန် နဲ့ ဆလိုဗားကီးယား တိုပဲဖြစ်ပါတယ်။ အထက်ပါနိုင်ငံတွေကို ချက်ကနေ ၃-၄ နာရီလောက် ရထားစီးပြီး သွားလည်နိုင်ပါတယ်၊ Europe နိုင်ငံတွေက တံခါးမရှိ၊ ဓားမရှိဆိုတော့ နိုင်ငံတစ်နိုင်ငံမှာ visa ရထားရင် ရှန်ဂန်း area တွေကိုကြိုက်သလိုသွားလိုရပါတယ်။ 

ချက်ရဲ့ လူဦးရေဟာ ၁၀သန်းဝန်းကျင်ပဲရှိပါတယ်။ လူဦးရေနည်းနည်းနဲ့ လည်ပတ်နေတဲ့ ကျစ်လျစ်တဲ့နိုင်ငံတစ်ခုလို ပြောလိုရပါတယ်။

ချက် ရဲ့ရာသီဥတုကတော့ ဆောင်းမှာဆို -၁၅ လောက်ထိအေးတတ်ပါတယ်၊ နှင်းကျတဲ့နိုင်ငံဖြစ်ပေမယ့် ရာသီဥတုဆိုးရွားတဲ့နိုင်ငံထဲမှာ မပါပါဘူး။ 

Allocations 🏆

ချက်က ကမ္ဘာပေါ်မှာ safe အဖြစ်ဆုံး နိုင်ငံထဲမှာပါပါတယ်။ လူဦးရေကလည်းနည်း ပညာတတ်လူတန်းစားကလည်း များတာမလို ကြောင့်ထင်ပါတယ်။ နောက်ပြီး ချက်မှာ နန်းတော်တွေ၊ ရှေးခေတ်အဆောက်အအုံတွေ အများကြီးရှိတာကြောင့် လှပတဲ့နိုင်ငံတစ်ခုလို သူတိုကတော့ပြောကြပါတယ်။ (Prague မြိုရဲ့ video တွေကြည့်ရင် တကယ်လှပါတယ်) 

မြိုတော် Prague 🌇

ပရာ့မြိုမှာ အရာရာ စနစ်ကျလိုနေပါတယ်။ White collar ပညာတတ်တွေများပြီး၊ international head office တွေလဲများတာမလို အင်္ဂလိပ်စကားကို အဓိကထားပြီး ပြောကြပါတယ်။ ချက်က ကောင်းပေ့ဆိုတဲ့ကျောင်းတွေကလည်း ပရာ့မှာ စုပုံနေတာမလို ကျောင်းသားမြိုတော်တစ်ဖုံ ဖြစ်လိုနေပါတယ်။ နိုင်ငံတကာက ကျောင်းသားတွေသောင်းချီလာရောက် ပညာသင်ကြပြီး အာရှတိုက်ကဆို Vietnam, Japan , Korea ကကျောင်းသားတွေများပါတယ်။ ကျောင်းလခကလည်း သက်သာပြီး quality education ရနိုင်တာမလို ပရာ့မြိုကို ကျောင်းသားတွေ ကြိုက်ကြပါတယ်။ ကျောင်းပြီးရင် အလုပ်အကိုင်အတွက်ချိတ်ဆက်ဖို international network ကလည်းအသင့်ရှိတော့ ပိုလိုတောင် အဆင်ပြေပါသေးတယ်။

Expenses 💰💰

 ဒါပေမယ့် ပရာ့မြိုက ချမ်းသာတဲ့လူတွေနေတာများတာကြောင့် တခြားမြိုတွေထက်စာရင် နေထိုင်စားသောက်စားရိတ် ပိုကုန်ပါတယ်။ နိုင်ငံတကာ ကျောင်းသားတွေအနေနဲ့ တစ်လကို ၁၀-၁၅သိန်းလောက် မှန်းထားသင့်ပါတယ်။ အလုပ်လုပ်ပြီး စားရိတ်ပြန်ကာနိုင်ပေမယ့် ကျောင်းစာကလည်းရှိသေး၊ ယဉ်ကျေးမှုကွာတာလည်း ရှိသေးဆိုတော့ ရောက်ရောက်ချင်း အလုပ်လုပ်ဖိုကတော့ မဖြစ်နိုင်ပါဘူး။ တဖြည်းဖြည်းအခြေကျသွားရင်တော့ လုပ်နိုင်ကောင်းပါလိမ့်မယ်။ ဒါကလည်း ကျောင်းသားပေါ်မူတည်ပါတယ်။ 

ကျောင်းလခတွေကတော့ တစ်နှစ်ကို ယူရို ၂ထောင် ၃ထောင် ဝန်းကျင်ရှိပါတယ်၊ တချို program ဆိုရင်တော့ ၅ထောင် ၆ထောင်ထိပေးရတတ်သလို Environmental နဲ့ Agriculture ပိုင်းကတချို major တွေဆို တစ်နှစ်ကို ယူရို ရာဂဏန်းလောက်ပဲပေးရတတ်ပါတယ်။ ဒါပေမယ့် ကျောင်းက field trip တွေခဏခဏသွားရရင်တော့ အပိုကုန်ပါမယ်။ ကျောင်းတွေအကြောင်းကိုတော့ နောက်မှ သက်သက်ခွဲတင်ပါ့မယ်။ 

အကြမ်းဖျင်းပြောရရင်တော့ ချက်က နိုင်ငံလည်းကောင်း၊ ဈေးလည်းသက်သာတာမလို ပညာသွားသင်သင့်တဲ့နိုင်ငံထဲပါပါတယ်။

ချက်ရဲ့ မြိုတော် ပရာ့မှာ နာမည်အကြီးဆုံးကျောင်း (၅)ခုမှာ English program ပေါင်း ငါးရာကျော်ကို offer ပေးပါတယ်။ အများစုကတော့ Master ဖြစ်ပေမယ့် Bachelor ပိုင်းမှာလည်း ရွေးချယ်စရာတွေရှိပါတယ်။ 

1.Charles University - ဒီကောင်က ranking မြင့်သလို ဝင်ခွင့်လဲခက်ပါတယ်၊ Bachelor မှာ English လို offer ပေးတဲ့မေဂျာရှားပါတယ်။ Master မှာတော့များပါတယ်။ ဒီကျောင်းက အခြားကျောင်းတွေထက်စာရင် ကျောင်းလခဈေးကြီးတဲ့ထဲပါပါတယ်။ £5000-6000/ year လောက်ကျပါတယ်။ 

ကျောင်း website- https://cuni.cz/uken-3.html

2.Czech Technical University - Technical major 100ကျော်ကို English လိုရှယ်သင်ပေးမှာပါ။ အဲ့မှာ Aerospace တို AI တိုကအစ ယူလိုရပါတယ်။ Bachelor အနေနဲ့ဆို Biomedical Technology တို Civil engineering တိုယူလိုရပါတယ်။ ကျောင်းလခက သူလည်းနဲနဲဈေးများပါတယ်။ £4000-5000/ year ရှိပါတယ်။ Technical school မလိုဈေးကြီးတာလည်း ပါပါလိမ့်မယ်။

ကျောင်း website- https://www.cvut.cz/en

3.Czech University of Life Sciences in Prague- CZU လိုချက်လို အတိုကောက်ခေါ်ပါတယ်။ သူကတော့ agriculture , environmental တို economic တိုအပိုင်းသွားချင်တဲ့လူတွေအတွက်ကျောင်းကောင်းပါ။ agriculture ပိုင်းမှာနာမည်ကြီးပါတယ်။ ကျောင်းလခကတော့ £3000 လောက်ပုံမှန်ရှိပေမယ့် Environmental Engineering ရယ် Environmental Data Science ရယ်သွားမယ့်သူအတွက် £400-500 ဝန်းကျင်ပဲရှိပါတယ်။ bachelor အတွက်တော့ ရွေးချယ်စရာအများဆုံးကျောင်းလိုပြောရမှာပါ။

ကျောင်း website- https://www.czu.cz/en

4.University of Chemistry and Technology, Prague- UCT လိုအတိုကောက်ခေါ်ပါတယ်၊ ကျောင်းကောင်းပါပဲ။ Chemistry ပိုင်းကိုမှ Field အမျိုးမျိုးအတွက် သင်ပေးပါတယ်၊ ဥပမာ- food science, environmental, technology စသဖြင့်ပါ။ ကျောင်းက limited seat နဲ့ပါ၊ ဖွင့်ဖွင့်ချင်းလျှောက်မှဝင်ဖိုသေချာပါမယ်။ သူလဲကျောင်းလခက £2500-3000/ year ရှိပါတယ်။ Business major တွေလဲ offer ပေးပါသေးတယ်။

ကျောင်း website- https://www.vscht.cz/?jazyk=en

5.Prague university of Economics and Business- ဒီကျောင်းကတော့ တကယ့်ကို accredited ဖြစ်ပြီး business ပိုင်းမှာနာမည်ရှိတဲ့ကျောင်းဖြစ်ပါတယ်။ certification တွေလည်းအကုန်ရှိပါတယ်။ Business, economics major လည်း စုံတာမလို စီးပွားရေးပိုင်းသွားချင်တဲ့လူတွေ အတွက်အဆင်ပြေပါတယ်။ ကျောင်းလခက ကလည်း £3000/year ဝန်းကျင်ပါပဲ။

ကျောင်း website- https://www.vse.cz/english/

6.နောက် Prague မှာမဟုတ်တဲ့ကျောင်းကောင်းတစ်ခုကတော့ Brno မြိုမှာရှိတဲ့ Masaryk University ပါ။ သူက Charles လိုပဲ medicine တက်လိုရပါတယ်။ တခြား university တွေမှာကောင်းကောင်းမရှိတဲ့ social science အတွက် choice များများရှိပါတယ်။ medical ပိုင်းကလွဲလို ကျန်တဲ့မေဂျာတွေကို £2000-3000/year နဲ့တက်လိုရပါတယ်။ 

ကျောင်း website- https://www.muni.cz/en

Requirements!! 🥇

ကျောင်းတော်တော်များများက ဆယ်တန်းနဲ့ဝင်ခွင့်ရပါတယ်။ Major အလိုက် English, Maths exam ဖြေရတာရှိပါတယ်၊ interview ဖြေရတာရှိပါတယ်။ Application fees ကလည်း program/ school ပေါ်မူတည်ပြီး 0-200 euro ပေးရပါတယ်။ Bachelor ကများသောအားဖြင့် သုံးနှစ်တက်ရပြီး master ကတော့ 1-2 year ပါ။ 

Scholarship and Financial Aid 💵💵

Full scholarship ရယ်လိုတော့မရှိပေမယ့် GPA အလိုက် ၅၀%ထိပေးတာတွေ့ဖူးပါတယ်။ government ကပေးတဲ့ scholarship, housing scholarship စသဖြင့် အမျိုးမျိုးလျှောက်လိုလည်းရပါတယ်။

Part-time Jobs 🤹

PT jobs က တစ်ပတ်ကို နာရီနှစ်ဆယ်လုပ်လိုရပါတယ်။ ခြိုးခြံမယ်ဆိုရင် တော့ ကိုယ်လုပ်တာနဲ့ ပြန်ရတာ ကာမိနိုင်ပေမယ့် စစသွားခြင်းတော့ အလုပ်ရဖိုခက်ပါတယ်။ ၅-၆လလောက်နေမှ အလုပ်လုပ်ဖိုလည်းအကြံပေးပါရစေ။ living expenses ကတော့ တစ်လကို ၁၀သိန်းလောက် ပျှမ်းမျှတွက်ထားစေချင်ပါတယ်။ 

Czech အကြောင်းကတော့ ဒီလောက်ပါပဲ။ အဆုံးထိဖတ်ပေးလို ကျေးဇူးတင်ပါတယ်။